FYRSTA VIÐTAL
Það er eðlilegt að finna fyrir óöryggi í fyrsta viðtali en sálfræðingar METIS sálfræðiþjónustu munu taka vel á móti þér og útskýra hvernig viðtölin fara fram. Í fyrsta viðtali er farið yfir stöðuna og væntingar auk þess sem sálfræðingur útskýrir reglur um trúnað. Í meðferðarvinnu er lögð áhersla á að byggja upp góð tengsl og samvinnu í átt að skýrum markmiðum.
FYRIR BÖRN
Þegar fyrsta viðtal er bókað fyrir börn er ákveðið hvort forráðamaður komi án barns, með barnið með sér eða hvort ungmenni óskar eftir viðtali án forráðamanns. Ef forráðamenn mæta með barni eru þeir ýmist með í byrjun viðtals eða allan tímann en það fer eftir þörfum og óskum fjölskyldunnar.
Ef um er að ræða börn yngri en 10 ára er mælt með að forráðamaður mæti án barns í fyrsta viðtal. Það gefur betra næði til að ræða stöðuna og leggja á ráðin með framhaldið.
Ef ungmenni yngri en 16 ára óskar eftir að vera eitt í viðtali er oft gott að annar eða báðir forráðamenn mæti einnig þó barnið sé eitt inni.
Áður en komið er í fyrsta viðtal fylla forráðamenn út komublað sem nálgast má hér en þar er að finna mikilvægar upplýsingar fyrir meðferðaráætlun sálfræðingsins. Gott er að nýta gagnagátt METIS sálfræðiþjónustu til að senda viðkvæmar upplýsingar.
FYRIR FULLORÐNA
Eftir 18 ára aldur er annarskonar komublað fyllt út sem má nálgast hér. Senda má viðkvæm gögn í gegnum gagnagátt METIS sálfræðiþjónustu.
Greiðslur fara fram við lok hvers viðtals. Viðtalstíminn er 50 mínútur og kostar 25.000 krónur. Ekki er tekið við greiðslukortum heldur er útbúin krafa í heimabanka viðkomandi.
Flest stéttarfélög greiða niður þjónustu sjálfstætt starfandi sálfræðinga. Hafðu samband við þitt stéttarfélag til að fá frekari upplýsingar.
AFBÓKANIR
Afbóka þarf viðtalstíma með sólarhrings fyrirvara. Breyta má tímabókun og/eða afbóka viðtalstíma með tölvupósti eða SMS til viðkomandi sálfræðings. Ef viðtalstími er afbókaður með styttra en sólarhrings fyrirvara verður innheimt hálft gjald með reikningi í heimabanka. Ef ekki er mætt 15 mínútum eftir upphaf bókaðs viðtalstíma er litið svo á að tíminn falli niður og verður þá innheimt fullt viðtalsgjald með kröfu í heimabanka.
Í þeim tilvikum þegar ekki er mætt í viðtalstíma sem greiddur er af aðilum á borð við Sjúkratryggingum eða félagsþjónustu/barnaverndarþjónustu ber einstaklingurinn sjálfur ábyrgð á greiðslu kostnaðar sem þá skapast og reikningur verður sendur í heimabanka viðkomandi.